Мечеть Ешиль джами в документах Таврического магометанского духовного правления (30–40 гг. XIX в.)

Полный текст

Qırımnıñ devlet arhivinde saqlanğan Tavriya Musulman Diniy İdaresi^[1] fondlarınıñ arhiv malümatında añılğan idarede müfti, qadıasker ve yerli qadılarnıñ terkibinde keçirilgen oturış defterlerinde, Qırım musulmanları diniy idaresiniñ yerli ve merkeziy devlet akimiyetinen olğan mektüpleşmesi bulunmaqtadır. Bundan da ğayrı menbalarda Bağçasaray sakinleriniñ Hanlıq devirine ait meşur Yeşil cami abidesiniñ saqlanıp qalınması ya da onıñ yıqılmasınen bağlı olğan ‘’işler’’ ve bu meselege munasebetleri aqqında bildirilmektedir. Bu malümat XIX asırnıñ 30–40-nci senelerine aittir. U. Bodaninskiyniñ kündelik defterlerinde Yeşil caminiñ XIX asırda qullanılması aqında olğan malümat, qısmen arhivde saqlanğan bilgilernen bir kelgenini kayd etmek kerektir.

Yeşil cami^[2] kibi belli abide, Bağçasaraynıñ 1785–1786 senelerine ait musulman ibadethaneleriniñ sırasında Dilâra camisi olaraq kösterilmektedir. Cami Bağçasaraynıñ merkeziy, ticariy-esnaf, musulman Haci-Kökey ve hristian Ermeni maalleleri yol çatışmasında yerleşken edi. Müfti Musallaf efendiniñ vaqtında cıyılğan malümatqa köre, camide bir qaç hadim yaşaması içün vaquf mülkiyeti de olğan, amma bu şeylerge baqmadan, cami ihmal etile ve tamiratqa muhtac qala. Han camisiniñ böyle alını Tavriya Musulman Diniy İdaresi ögrenip başlay. Böyleliknen, Bağçasaray naibi^[3] Ali efendiniñ 1834 senesi 23 yanvar künü yazğan ve Tavriya Musulman Diniy İdaresiniñ 8 fevral künü keçirilgen oturışında oqulğan 21 sanlı esabatına köre, Yeşil caminiñ tamiratqa ihtiyacı olğanı, amma o onı keçirip olamağanı sebebinden idare reberligine bu meseleni baqmağa rica etken. Oturış azaları ise, olarnıñ sırasında müfti Seit Cemil efendi, qadıasker Osman efendi, Aqmescit qadı vazifesini eda etken ve bu şeerniñ naibi Seit Halil efendi, Bağçasaray naibi Ali efendiden nevbetteki malümatlarnı toplap, olarğa bermesini talap eteler: o, Yeşil camige ne qadar sakin qatnağanı, onıñ nasıl mülkiyeti bar ve tamir işlerine ne qadar aqça kerek olğanı aqqında malümat bermek kerek edi^[4].

1834 senesi oktâbr 29 künü keçirilgen oturışta, Diniy idareniñ talabını yerine ketirip, Bağçasaray naibi nevbetteki esabatını oquy, oña binayen: Yeşil camige ibadet içün kelgen sakinler olmağanı, mülk şeklinde 743 ruble aqça ve Bağça köyünde bir meyva bağçası bulunmaqtadır. Bu yerde Kokluz köyündeki bağça aqqında söz yürsetmek mümkündir. (Def`a Kokuluz qariyesinde bir qatıme bağçe). Amma, ne yazıq ki, öz esabatında naib 743 ruble aqça kimde saqlanğanını yazmağan ve tek vaquf bağçası aqqında haber etken. Lâkin 1785–1786 seneleri müfti Musallaf efendiniñ malümatına köre, caminiñ vaquf mülkiyetinde daa eki tükân bar eken. Naib toplağan ve bildirgen malümatqa köre, «ihmal etilgen» caminiñ yarım asır devamında, yani efsanelerde tarif etilgen 1787 senesiniñ «aramlanmasından» soñ, vaquf mülkiyeti saqlanıp qalınğan ve ne içündir binanıñ tamiratına işletilmegen.

Ondan da başqa, naib bergen esabatta, caminiñ azbarında «em şarq, em ğarp tarafından vaquf qorası» bulunğanı anıqlana, tamir teklifine ise yerli ustalar Ali efendige tamirat içün 1500 ya da 2000 ruble kerek olğanını bildireler. Lâkin bazıları böyle tamirat Yeşil caminiñ binasını ğayrıdan tiklemez, dep aytalar^[5].

İslâm ananesine köre, bir de bir musulman, ükümdar ya da adiy sakin cami qurdursa, o cemaat ve vaquf mülkiyeti sayılır. Ona nisbeten esas nezaret em devlet, em cemaat tarafından alıp barıla. İbadethane ve oquv yurtlarına ise yerli Qırım musulmanları destek köstergendir. Bu anane Qırım hanları vaqtında yerine ketirilgenini 1783 senesi 19 noyabr künü yarımada mırzaları baron İgelstromğa yazğan mektübinde de körmege mümkündir. Mırzalarnıñ muracaatına köre, camide hızmet etken adamlar «eski zamanlardan berli» öz maaşlarını han hazinesinden alğanlar, amma çoqusı şeer ve köy camileriniñ hadimleri bağış ve vaquf topraqlarından cıyılğan kelirge keçingenler^[6]. Böyle ibadethaneler arasında Yeşil cami de (Qırım Girey hannıñ camisi) olğan. Onıñ hadimleri – imamı, eki müezzini ve qayumı öz maaşlarını devlet hazinesinden, yani Kezlev şeer gümrükhanesiniñ kelirinden alğanlar.

Bağçasaray musulmanları Yeşil caminiñ yaramay alı aqqında añlap, mesülietini bile ediler. Buña Abit efendi camisiniñ imamı 1844 senesi noyabr 14 künü yazğan 11 sanlı esabatı bir delildir. O, bu vesiqada Saraç maalesine baqqan Yeşil cami eskirip, bazı yerleri ise viranege çevirilgeni aqqında haber ete^[7].

Belli olğanı kibi, 1783 senesi olıp keçken vaqialardan soñ, Qırımnıñ bir qısım musulman ealisi icret etken. Bu ceryan sabıq Qırım hanlığınıñ paytahtına da barıp yete^[8]. Yañı akimiyet Bağçasarayda tek tatarlar yaşaycaq dep vade etken edi^[9], amma, buña baqmadan, şeerge başqa eali ketirilip başlandı. Ve qısqa vaqıttan soñ, Bağçasaraydan qırımtatarlar icret etkeni içün, şeer camilerine kelgen adam sayısı azlaştı, sakinler arasında demografik ve diniy deñişmeler yüz berdi^[10]. Bundan son kelgen yıllarda meydanda peyda olğan vaziyet neticesinde, «camilerge qatnağan adamlarnıñ sayısı azlaşqanınen, olarnı deral yıqmağa tırışqanlar, boşağan yerlerni ise devletke ya da Qırımğa kelgen saran rus memurlarnıñ eline keçirgenler» [1, с. 41].

Caminiñ boşap qalmasınıñ sebebine ketirgen – 1783 senesiniñ vaqialarından soñ Bağçasaraydan musulmanlarnıñ icretleridir. Yañı akimiyetniñ alıp barğan siyaseti boyunca Bağçasaray yañı hristian ealesini yerleştirip başladı. Yeşil cami Ermeni maallesi yanında yerleşkeni içün, onıñ qalğan cemaatı Bağçasaraynıñ musulmanlar yaşağan maallelerine köçmege mecbur qalğan.

Bağçasaray qaymaqanlığında saqlanıp qalğan malümatlarına köre, Bağçasaray şeerinde olğan tatar evleri sayılıp cedvelge alına. 1783 senesi 17 dekabr tarihına nisbeten toplam 1215 evden 1186 sağlam, 29 ev ise virane alda olğanı bildirilgen. [7, с. 25]. «Ежели положить жительствующих татар мужеска полу на всякий двор по три души» [7, с. 26] esap etüvlerge esaslanılsa, qırımtatar aqayları 3558 adam olmaq kerektir. Lâkin Pallasnıñ1793–1794 senelerine ait malümatında şeerdeki qırımtatar aqay ve qadın sayısı olganı 3000 adamdan ibarettir [11, с. 30]. Yani on yıl içinde, 1783 senesinden 1794 senesine qadar şeerniñ musulman ealisi bayağı azlaşqanını köremiz. 1783 senesine tek aqaylarnıñ sayısı 3558 adam olğan olsa, 1794 senesine kelgende Bağçasarayda qırımtatarlarnın sayısı episi olıp 3000 adam kalğandır. Belki şunıñ içün de 1787 senesi çar akimiyetniñ vekilleri kelecek vaqıtqa çevre köylerden sakinlerni toplamaq qararı qabul etilgen edi. Ve «также и в Бахчисарае постараться число народа умножить»^[11].

Bağçasaraynıñ hristian maallelerinde sakinler çoqlaşqanınen, olarnıñ meydanları da Yeşil camige qatnağan sakinlerniñ ev ve azbarları esabına keñleşti^[12]. Buña delil olaraq 1845 senesi martnıñ 10-na ait vesiqa saqlanıp qalğan^[13]. Belki de şunıñ içündir XIX asırnıñ 40-nci seneleri basılğan «Bağçasaraydaki arap ve türk yazıları» serlevalı işniñ müellifleri Yeşil camini «Bağçasaraynıñ hristian maallesinde» yerleşken ibadethane dep bildirilgen [2, с. 524].

Dilâranıñ adınen bağlı efsane ya da rivayetlerge kelsek, mında söz qan tökülgen soñ «aramlanğan» Dilâra camisi aqqında kete. Eger de ölüm sebebinden camide namaz qılmaq aram olğan olsa, XIX asırnıñ 30-nci seneleri Qırımda çalışqan musulman diniy idaresi onıñ tamir işlerine iç de yaqınlaşmaz edi. Amma, idare tarafından sakinlerniñ tamirnen bağlı muracaatlarına ve Yeşil caminiñ binasında dervişler tekiyesiniñ açılmasına qol tutulğanını köremiz.

Qırımtatarlarğa tanış olğan islâm tarihında, ekinci halife Umarğa, Medinede yerleşken Muhammed (s.a.s.) Peyğamberniñ camisinde suiqast yapılğanı bildirile. Amma, bu vaqiadan soñ o «aramlanğan» cami olaraq sayılmadı. Eger islâm qanunları boyunca ibadethanede qan tökülmesi sebep etilip, onıñ içinde namaz qılmağa mania olğan olsa edi, birinci sırada taa o qadimiy zamanlarda Muhammed (s.a.s.) Peyğamberniñ camisi ibadet içün yasaqlanır edi. Lâkin, bu cami ve etrafı ale daa ibadetler qılınacaq yer olaraq saqlanmaqtadır. Demek, islâm qanunları boyunca qan tökülgen camide ibadet qılmaq yasaqlı degil ve o «aramlanğan» binalar sırasına kirmey.

Eger de Qırımda hususiy bir vaziyet yüz bergen dep saysaq bile, demek ondan soñ «aramlanğan» camide islam dininiñ ibadetlerini keçirmege qatiyen izin olmamaq kerektir?! Amma, nasıl olsa da, meselâ, Orta caminiñ müezzini Abdul Hadır Appaz oğlu^[14], Yeşil caminiñ sabıq cemaatı ve «Bağçasaraynıñ qırq eñ yahşı ve bay sakini» tarafından yapılğan muracatlarından soñ^[15], Yeşil camini tamir etmege ve işbu yerde dervişler tekiyesini açmağa ruhset soralğan. Neticede Tavriya Musulman Diniy İdaresi tarafından izin berilğen^[16].

Dilâra bikeç ve Yeşil cami etrafında olğan efsaneler aqqında aytacaq olsaq, Han camisinde çalışqan Bağçasaray hatibi Seit Muhamet efendiniñ sözlerine riayet etmek kerekmiz. O, vaquflar boyunca Mahsus komissiya reisi olğan General-mayor Sultan Gübeydulla Cangeroviç Çingishanğa bergen esabatında böyle yazğan: «В нашем городе, на юго-восточном углу дворца, известного под названием Ханского, воздвигнута гробница замечательной правильной архитектуры, над дверью которой написано: «Здесь покоится блаженные памяти Деляраг-бекя, да будет святой души благословение»… Особенность этой гробницы передают нам посланники и путешественники западных народов, объясняя, что покойная была личность известная в летописях, достойная внимания образованного и благовидящего общества»^[17].

Mezkûr metinden elde etilgen malümatqa köre böyle bir sual doğura bilir: Aceba, Dilara yahut Yeşil caminin hor vaziyetini "anlattırğan" efsanelerniñ ve caminiñ kerçek tarihınen alaqası bar ekenmi?

¹ Фонд 315, 1542 ед.хр., 1807–1917 гг. Таврическое Магометанское Духовное Правление.

² Cami ibadethanesine arap tilinde Mascid cami’a kibi aytıla. Bu yer bayram ve cuma namazlarını qılmaq içün ayırılğan. Er bir cami – bu mescit, amma mescit – bu cami degildir, çünki cami büyük ibadethane olıp, bayram ve cuma namazlarnı qılmaq içün qullanıla. Camilerde itiqaflarda keçirile, Abu Dauddan kelgen hadiske köre, itiqaf tek böyle büyük camilerde yapılması mümkün. Evelleri camilerde şeriat cezaları (hudud) yerine ketirilgen, anda adamlar toplanıp fikirlerinen paylaşqanlar ve cemaat meseleleri boyunca muzakereler keçirgenler. İslâmda birinci cami – Muhammed (s.a.s.) Peyğam­berniñ Medinedeki camisidir. Aynı böyle camilerde musulmanlarnıñ reberleri cemaatnen namaz keçirgenler. Bu "Tahzib al-Lüğa" kitabınıñ müellifi, arap tili alimi al – imam Abu-Mansur al-Azhari Muhammad ibn Ahmad al-Garaviniñ fikirleri.

³ Naib(p) – (arap sözü), qadığa yardım etken insan. O sicil, hucet, ayırma senetlerini azırlay. 1612 senesine ait Canibek Geray hannıñ yarlığından [9, с. 111].

⁴ Bunen bağlı emir «Настольный регистр исходящим бумагам Таврического Магометанского Духовного Правления за 1834 г., от 22 февраля за № 665» qayd etilgen edi. Указ бахчисарайскому наипу о доложении какое количество прихожан в мечети Ешиль-Джами (ГКУ РК «ГАРК». Ф. 315. Оп. 1. Д. 297. Л. 26 об.).

⁵ ГКУ РК «ГАРК». Ф.315. Оп. 1. Д. 295. Л. 168–169 об.

⁶ «Прочия-же как в городах, так и в деревнях находящиеся при мечетях, при школах и при дервишеских молитвенных домах служители довольствовались от прихожан тех мечетей подаянием и от земель при тех же мечетях находящихся которые даваны от доброхотно дателей» [6, с. 61].

⁷ ГКУ РК «ГАРК». Ф.315. Оп. 1. Д. 727. Л. 612 об.

⁸ «Эмиграция татар началась вскоре после окончательного присоединения полуострова к России, именно в 1784 году, и за три года число татар в Крыму уменьшилось на 300 000 человек. Так свидетельствуют переписи, произведенные в 1794 и 1800 гг.» [4, с. 69].

⁹ «Город Феодосию предоставя для поселения одним только христианам, пред­писываю вашему превосходительству в соответствие того наблюсть, чтобы в Бахчисарае жители были единственно татары. О сем имеете вы им объявить и исполнение предписания моего показать им на самом деле». [8, с.10–11].

¹⁰ «Место это попало в руки к русским, когда мудрою политикою импе­ратрицы Екатерины в 1783 году присоединен к России весь крымский полуостров. С того времени Бахчисарай постепенно стал более населяться новыми греками и русскими…» [5, с. 65].

¹¹ «28-го февраля 1787 года В.С. Попов писал Каховскому, что Потемкину угодно, чтобы по тракту следования Ее Величества «в деревнях татарских умножить народ, приказав из всех дальних по нескольку в сии собраться для принесения поклона. Также и в Бахчисарае постараться число народа умножить, а в деревнях развалины исправить» [10, с. 105; 20, с. 262].

¹² «Таврический Муфтий ходатайствующий прежде о починке в г. Бахчисарае соборной мечети Ешиль-Джами, за неимением вакуфных сумм, из других источников – что признано неудобным, ныне внес представление, что как в настоящее время мечеть сия пришла в совершенную ветхость и починка её потребовала бы значительной суммы, при этом же бывшие прихожане ея все перешли в другие приходы на жительство так-что вблизи ея не осталось никакого из жителей татар» (ГКУ РК «ГАРК». Ф. 27. Оп. 1. Д. 5020. Л. 1).

¹³ «Граничит же мечеть с востока пустопорожнею городскою землею, с запада с юга проезжею дорогою, а с севера до скалы: Бахчисарайского мещанина Саввы Кичо и турецкого поданного грека Георгия Амисияли». Из Описи ветхой мечети Ешиль Джами, составленной исправляющим должность Бахчисарайского полиц­мейстера Кононова (ГКУ РК «ГАРК». Ф. 27. Оп.1. Д. 5020. Л. 10).

¹⁴ ГКУ РК «ГАРК». Ф. 27. Оп.1. Д. 5020. Л. 17.

¹⁵ ГКУ РК «ГАРК». Ф. 27. Оп. 1. Д. 5020. Л. 8–9.

¹⁶ «Генерал-Губернатор сообщил Таврическому муфти, и просил доставить ему его мнение, по сему предмету, который вследствие сего отозвался, что соборная мечеть в Бахчисарае очень древна и по красоте своей первая в том городе, и потому желал бы с своей стороны, чтобы оная была сохранена, как древность, если только общество починит оную на свой счет; при этом Муфти присовокупил, что он не находит препятствия к удовлетворению ходатайства общества об обращении той мечети в текие, но с тем, чтобы минарет при оной, который считается в числе лучших в г.Бахчисарае, остался без уничтожения…Его Высокопревосходительство от 24 минувшего декабря(1846г.), за № 3723, уведомил, что он не находит препятствия к дозволению Бахчисарайским жителям Магометанского закона исправить на собственный счет, находящуюся в сем городе, пришедшую в ветхость, соборную мечеть Ешиль-Джами и обратить оную в текие, с тем однакож при этом здании был оставлен минарет, согласно предположению Муфтия, и вообще сохранен весь наружный вид здания» (ГКУ РК «ГАРК». Ф. 27. Оп.1. Д. 5010. Л. 22–23).

¹⁷ ГКУ РК «ГАРК». Ф. 456. Оп.1. Д. 546. Л.1.

Об авторах

Шукри Сейтмеметович Сейтумеров

Автор, ответственный за переписку.
Email: arhivaga2015@gmail.com

старший научный сотрудник Крымского научного центра

Список литературы

Дополнительные файлы